Кенесова Алия Самигуллановна

Kenesova-Aliya-SamigullanovnaТуған күні:1960-01-09

Жұмыс орны: «Айнабұлақ орта мектебі» КММ

Лауазымы: математика пәнінің мұғалімі

Облысы: Шығыс-Қазақстан облысы

Мекен-жайы: Зайсан ауданы, Айнабұлақ ауылы

Педагогикалық тәжірибесі: 34

Санаты: жоғары

Педагогикалық өмірбаяны:
Кенесова Алия Самигуллановна 1960 жылы 9 қаңтарда Шығыс Қазақстан облысы Зайсан қаласында дүниеге келген. Өскемен педагогикалық институтының физика-математика факультетінің математика бөлімін 1981 жылы бітіріп, еңбек жолын Зайсан ауданындағы «Саржыра орталау мектебінде» математика пәнінің қызметінен бастаған. 1984-жылдан осы уақытқа дейін Зайсан ауданындағы «Айнабұлақ орта мектебінде» математикадан сабақ беріп келеді. Әлиянің бес оқушысы ұстаз жолын таңдап, математика пәнінің мұғалімі мамандығын қалады. Екі оқушысы өз ауданымызда: Кенжалина Айжан «Қаратал орта мектебінде», Кемельбаева Гүлмира «М.Әуезов атындағы орта мектебінде», ал Үмітжан Бақытжан Астана қаласында математикадан сабақ беріп жүрсе, 2014 жылы бітірген түлегі Маден Лаззат Шығыс Қазақстан мемлекеттік университетінің математика факультетінің І курсының үздік студенті.Ұстаз 2011 жылы облыстық математикадан өткен мұғалімдер олимпиадасының ІІІ орын жұлдегері, 2014 жылы облыстық математика мұғалімдерінің сырттай олимпиадасына қатысып, жоғары ұпайға ие болса, оқушылары Кенжеханов Али «ZIAT» Ғылыми-әдістемелік орталығымен ұйымдастырылған оқушылар мен студенттердің «Жас зерттеуші» атты Республикалық зияткерлік турнир сайысында ІІ орынға, Нұрахметова Аружан Ринатқызы «Ғылымға алғашқы қадам» номинациясы бойынша ІІІ орынға ие болды. Ел, аймақ, университет үшін кадрлар қорын дайындауға қосқан үлесі үшін С.Аманжолов атындағы Шығыс Қазақстан мемлекеттік университетінің ректоры Ә.Қуандықовтың «Алғыс хатына», ал университеттің математика кафедрасының меңгерушісі М.Н.Мадияров пен математика, физика және технологиялар факультет деканы Н.М.Темірбековтың мадақтама грамотасымен марапатталған

Марапаттар, грамоталар, алғыстар, сайыстар:
1. Зайсан ауданының әкімінің мақтау грамотасы.
2. Аудандық білім бөлімі мен білім беру кәсіподақ ұйымының мадақтама грамотасы.
3. «Үздік математика мұғалімі 2011» облыстық сайысының ІІІ орын иегері дипломы.
4. С.Аманжолов атындағы Шығыс Қазақстан мемлекеттік университетінің ректоры Ә.Қуандықовтың «Алғыс хаты»
5. С.Аманжолов атындағы Шығыс Қазақстан мемлекеттік университеттің математика кафедрасының меңгерушісі М.Н.Мадияров пен математика, физика және технологиялар факультет деканы Н.М.Темірбековтың мадақтама грамотасымен марапатталған
6. «Ғылыми жоба қорғау» байқауында математика пәні бойынша жүлделі І орын алған оқушысы Манапова Ақмаралға жетекшілік еткені үшін аудандық білім бөлімінің бастығы С.Абдығалиеваның мадақтама грамотасы.

Басылымдар:
1. 2009 ж. «Қазақ тілі, математика және физика пәндері бойынша оқушыларды Ұлттық бірыңғай тестке дайындау ерекшеліктері» атты Республикалық семинарда «ҰБТ-ға дайындалуға арналған есептерді шығару тәсілдері» тақырыбында өз тәжірибесімен бөлісті.
2. 2010ж «Математика және логика» журналының қаңтардағы номерінде «ҰБТ-ға дайындалуға арналған есептерді шығару тәсілдері» тақырыбындағы мақаласы жарияланды
3. 2014 ж Алгорифм Журналында «20 мүмкіндікті «Алтрометрия»құралы» мақаласы жарық көрді.
4. 19.03. 2015ж «Алматы ақшамы» газетінде «Курстан алған дәрістерді өз мектебімізде пайдаланамыз» атты мақаласы жарияланса,
5. 20.03.2015 ж «Қазіргі педагогтардың инновациялық іс-әрекеті» атаулы мақаласы «Қазақстан Ұстазы» республикалық әдістемелік журналына қабылданды

E-Mail: aliya-kenesova@mail.ru